O‘zbekiston Qozog‘iston porti orqali tashuvlarni amalga oshiradi

O‘zbekiston va Qozog‘iston tomoni O‘zbekiston yuklarini Qozog‘istonning Kaspiy dengizidagi Kurik porti orqali tashish ishlarini amalga oshirish masalalarini muhokama qildi. 

Bu masala O‘zbekiston Bosh vazirining birinchi o‘rinbosari, "O‘zbekiston temir yo‘llari" AJ boshqaruvi raisi Ochilboy Ramatov va "Qozog‘iston temir yo‘li" kompaniyasi rahbari Kanat Alpisboyevning Toshkentda bo‘lib o‘tgan uchrashuvida muhokama qilindi. Bu haqda Qozog‘iston kompaniyasi xabar qilmoqda. 

O‘zbekistondan keltirilgan yuklar Kurik portidan Ozarboyjon, Rossiya va Eron portlariga keltirilishi mumkin. 

Uchrashuv chog‘ida temir yo‘l transportida hamkorlikni yanada rivojlantirish masalalari ham muhokama qilingan.