“E-yoshlar.uz” 9 may kuni navbatdagi aksiyani o‘tkazadi

9 may – “Xotira va qadrlash”  kuni munosabati bilan “E-yoshlar.uz” loyihasining tashabbuskor talaba-yoshlari tomonidan maxsus internet aksiyasi tashkil etilmoqda.

Aktsiyaning asosiy maqsadi ikkinchi jahon urushi qatnashchilari, mehnat fahriylari va aholining keksa vakillari holidan xabar olishdan iborat. Uning doirasida “video estafeta” ham tashkil etiladi.

 Davomiyligi 15-30 soniyadan iborat videolavhalarda:

- Ikkinchi jahon urushi qatnashchilari, mehnat fahriylari va aholining keksa vakillari  holidan xabar olinadi,

-“Biz sizlar bilan faxrlanamiz va doimo yodimizda tutamiz!” shiori  ta'kidlanadi.

- Shuningdek, yoshlar tengdoshlariga murojaat sifatida “Men xabar oldim – senchi!?” jumlasi  chorlov sifatida targ‘ib etib, estafetani ijtimoiy tarmoqlarning boshqa foydalanuvchilariga yuborishadi.

Jarayon mobil telefonlar yordamida  tasvirga olinadi.

Ijtimoiy tarmoqlar foydalanuvchilari mazkur estafetani 8-9 may kunlari  ijtimoiy tarmoqlar orqali kuzatib borish va loyihada faol ishtirok etish imkogiyatiga ega bo‘lishadi.

Bundan tashqari tadbir doirasida “E-yoshlar.uz” sayti tomonidan joriy etilgan tabriknoma shaklidagi matnli va foto ishlanmalar ham barcha ijtimoiy tarmoqlar va messendjyerlarga joylashtiriladi.