Yaponiyada mast amerikalik harbiy hibsga olindi

Yaponiyaning Okinava oroli politsiyasi, transport vositasini mast holda boshqargan yana bir amerikalik harbiyni qo‘lga oldi, deb xabar qilmoqda The Mainichi. Shu munosabat bilan, Yaponiya hukumati AQShning Tokiodagi elchixonasiga norozilik notasini yuborgan. 

Amerika harbiy bazalaridan tashqarida mast qiluvchi ichimliklar iste'moli va mast holda mashina boshqarishga joriy qilingan taqiqlar qisman bekor qilingach, ilk marotaba Amerika harbiysi mast holatda qo‘lga olinmoqda. 

Yaponiyalik qizga mast holatda jinsiy tajovuz qilib, uni o‘ldirganlikda gumon qilingan amerikalik harbiy, Yaponiya politsiyasi tomonidan qo‘lga olingach, AQSh harbiy-dengiz kuchlari shunday taqiqni joriy qilgan edi.