Avstraliyada burgut kichik bolani ko‘tarib ketmoqchi bo‘ldi

Avstraliya markazidagi yovvoyi tabiat bog‘idagi shou vaqtida burgut kichik bolani ko‘tarib ketmoqchi bo‘ldi, deb xabar bermoqda OAV.

Voqea 6 iyulda Alice Springs Desert Park bog‘ida sodir bo‘ldi.

Chamasi 6-8 yoshlar bo‘lgan bola kapyushonli yashil kiyimda bo‘lgan. Shouda ishtirok etayotgan burgut tomosha vaqtida pastga qarab uchib, bola kiyimining kapyushoniga panjalari bilan yopishib, bolani yuqoriga ko‘tarmoqchi bo‘lgan. Guvohlarning aytishicha, burgut bolani go‘yoki kichik bir jonzotni ushlab olgandek ko‘ringan.

Bola baqirib yuborgan. Tez orada vaziyatga bog‘ xodimlari aralashib, burgutni haydab yuborishgan. Tomosha to‘xtatilgan, burgut bolaga yuza jarohatlari yetkazgan.

Bog‘ ma'muriyati tergov boshlaganini va uning oxirigacha yirtqich qush tomoshalarda ishtirok etmasligini ma'lum qildi.