Erdo‘g‘on Turkiya bo‘ylab patrul parvozlari o‘tkazishga buyruq berdi

Turkiya davlat rahbari Rajab Toyyib Erdo‘g‘on mamlakat osmonida patrul parvozlarini o‘tkazishga ko‘rsatma berdi, deb xabar qilmoqda Anadolu agentligi. 

Nazorat parvozlarini F-16 qiruvchi samolyotlari Turkiyaning barcha hududi bo‘ylab amalga oshiradi. 

Qayd etilishicha, parvozlar havo kengliklari nazoratini ta'minlash va xavfsizlik choralariga rioya etish maqsadida tashkil etiladi. 

Eslatib o‘tamiz, Turkiya qurolli kuchlari tarkibidagi bir guruh isyonchilar, 16 iyulga o‘tar kechasi davlat to‘ntarishini amalga oshirishga urinishdi.