Janubiy Sudandagi to‘qnashuvlar BMTning mamlakatdagi missiyasiga to‘sqinlik qilmoqda

BMT Janubiy Sudan missiyasini (UNMRSS) bajarayotgan 140 nafar xodimini vaqtinchalik evakuatsiya qildi. Bunga Janubiy Sudanda mamlakat prezidenti Salva Kiir va uning o‘rinbosari Riyek Mashar tarafdorlari o‘rtasidagi to‘qnashuvlar sabab bo‘ldi. Bu haqda BMT rasmiy vakili Farhon Haq jurnalistlarga ma'lum qilgan.

"Umumiy hisobda UNMRSS xodimlarining 140 nafari ishlarini to‘xtatishgan va ular Juba shahriga ko‘chirilgan. Missiya barcha zarur operatsiyalarni davom ettiradi", - dedi u. 

UNMRSS tarkibida 1580 nafar xodim ishlaydi. Ular orasidan 1200 nafari xorijiy fuqarolar.

Avvalroq BMT xodimlarning bir qismi Ugandadagi Entebbe shahriga ko‘chirilgani haqida xabar bergan edi.

Janubiy Sudandan o‘z fuqarolari va xodimlarini bir qator davlatlar, jumladan, Buyuk Britaniya, Germaniya, Italiya, Hindiston, Kanada, AQSh, Janubiy Koreya va Yaponiya ham ko‘chirmoqda.