Liviyadagi jangovar vazifani bajarishda 3 nafar fransuz harbiysi halok bo‘ldi

Fransiya mudofaa vazirligining xabar qilishicha, mamlakat maxsus harbiy bo‘linmasining 3 nafar xizmatchisi Liviyadagi jangovar topshiriqni bajarish vaqtida halok bo‘lgan. 

"Mudofaa vaziri Jan-Iv Le Drian mamlakat qurolli kuchlarining 3 nafar unter-ofitseri Liviyadagi vazifani bajarish chog‘ida halok bo‘lganini chuqur qayg‘u bilan ma'lum qiladi", - deyiladi vazirlikning qisqa xabarida. 

Xabarda, ularning qay tarzda halok bo‘lganiga oydinlik kiritilmagan. 

Avvalroq, Fransiya hukumati rasmiy vakili Stefan Le Fol mamlakat qurolli kuchlarining maxsus bo‘linmasi Liviyada bo‘lib turganini tan olgan edi.