Ozarbayjon Konstitutsion sudi mamlakat Asosiy qonuniga o‘zgartish kiritishni ma'qulladi

Ozarbayjon Konstitutsion sudi davlat Asosiy qonuniga o‘zgartish kiritish loyihasini ma'qulladt Unga ko‘ra, davlat rahbari vakolat muddati uzaytirilib, birinchi vitse-prezident lavozimi joriy qilinmoqda, deb xabar qilmoqda RIA «Novosti» agentligi.

KS qarorida qayd etilishicha, «taklif etilayotgan yangiliklar, Konstitutsiyaning xalq hokimiyati va davlatchilik asoslariga doir talablariga ta'sir etmagani bois, referendumga qo‘yilishi mumkin».

Avvalroq, Ozarbayjon prezidenti Ilhom Aliyev respublika prezidenti vakolati muddatini besh yildan yetti yilga uzaytirish hamda birinchi vitse-prezident va vitse-prezidentlar lavozimini ta'sis etish taklifini bildirgan edi.