Lukashenko: Karimov o‘zini xalqiga va davlatga xizmat qilishga bag‘ishladi

Belarus prezidenti Aleksandr Lukashenko O‘zbekiston prezidenti Islom Karimov vafoti munosabati bilan Oliy Majlis Senati raisi Nig‘matulla Yo‘ldoshev, butun O‘zbekiston xalqi hamda marhumning oilasi va yaqinlariga hamdardlik yo‘lladi. Bu haqda Belarus rahbari saytida xabar qilindi.

U Belarus O‘zbekiston prezidentining vafoti to‘g‘risidagi qayg‘uli xabarni chuqur anduh bilan qarshi olganini ta'kidlagan.

«O‘zini xalqiga va davlatiga xizmat qilishga bag‘ishlagan yorqin yetakchi hayotdan ketdi. Vatandoshlari va butun dunyodagi do‘stlari Islom Karimovni mustaqil O‘zbekistonning shakllanishi bilan bevosita bog‘liq bo‘lgan atoqli siyosiy va ijtimoiy arbob sifatida xotirlaydi», — degan Lukashenko o‘z ta'ziyanomasida.