Belgiya qiroli O‘zbekiston xalqiga hamdardlik bildirdi

Belgiya qiroli Filipp O‘zbekiston respublikasi birinchi prezidenti Islom Karimov vafoti munosabati bilan hamdardlik izhor etdi. Bu haqda «Jahon» axborot agentligi xabar qilgan.

«Men O‘zbekiston respublikasi prezidenti Islom Karimov janobi oliylarining o‘limi haqidagi xabardan chuqur qayg‘uga tushdim», — deyiladi ta'ziyanomada.

Belgiya qiroli ushbu og‘ir judolik damlarida butun O‘zbekiston xalqiga o‘zining chuqur hamdardligini bildirgan.