Hindiston prezidenti yagona soliq haqidagi qonun loyihasini imzoladi

Hindiston prezidenti Pranab Kumar Mukerji 8 sentabrda yirik ko‘lamdagi soliq islohotiga yo‘l ochib beruvchi konstitutsion tuzatmani imzoladi. Ushbu tuzatma bilan mahsulotlar va xizmatlarga yagona soliq kiritiladi, deb ma'lum qildi hind OAV.

Tuzatma Hindistonning 16 shtati (jami 29 shtatning yarmidan ko‘pi va mamlakatning ikkita ittifoqdosh hududi) qonunchilik assableyalari tomonidan ma'qullangandan keyin qabul qilindi.

Yagona soliq ishlab chiqarish, mahsulot va xizmatlarni sotish va iste'mol qilishga qo‘shimcha soliq bo‘ladi. U markaziy hukumat va shtatlar hukumatlari tomonidan undiriladigan barcha soliqlar o‘rnini bosadi. Bu Hindiston mustaqillikka erishgandan keyin amalga oshirilgan soliqqa solish sohasidagi eng yirik islohot bo‘ldi. Hukumatning fikricha, qonun Hindiston iqtisodiyoti o‘sishini 1,5-2 foizga tezlashtiradi.