Rossiyaning Vladimir shahrida 13 avtomobil ishtirokida halokat yuz berdi

Vladimir shahrida beton qoruvchi mashina noto‘g‘ri burilish burchagini tanlagani bois 12ta avtomobilni urib ketdi. Yaxshiyamki, hodisa oqibatida hech kim jabrlanmagan. 

Guvohlarning so‘zlariga ko‘ra, «HOWO» beton qoruvchi mashina haydovchisi burilishni amalga oshirishda dastlab «PAZ» avtobusi, «VAZ-2114» va «Toyota Camry» avtomobillari bilan to‘qnashgan. Shundan so‘ng, zarbaning kuchi bilan yo‘l chetida turgan to‘qqizta mashinaga kelib urilgan. 

Beton aralashtiruvchi mashina haydovchisi shifoxonaga olib borilgan. Dastlabki ma'lumotlarga ko‘ra, u spirtli ichimlik ta'sirida bo‘lgan.