Apple sport avtomobillari ishlab chiqaruvchi kompaniyani sotib olmoqchi

Foto: © AP

AQShning Apple kompaniyasi "Formula-1" avtopoygasi jamoasi egasi va sport avtomobillari ishlab chiqaruvchi britan kompaniyasi McLaren Technology Group’ni sotib olmoqchi. Bu haqda The Financial Times nashrining elektron versiyasi ma'lum qildi.

Nashrning ta'kidlashicha, "Apple’ning McLaren’ni sotib olishi mumkinligi uning avtomobil sanoatini o‘zgartirishga intilishidan darak beradi". Xarid bo‘yicha muzokaralar bir necha oydan beri olib borilmoqda.

Apple va McLaren bu xususda rasmiy izoh berishni istashmadi.

Ziyon ko‘rayotgan McLaren muzokaralar muvaffaqiyatli yakunlansa, 1,3-1,95 mlrd dollarga baholanishi mumkin.