British Airways aviakompaniyasi ekonom-sinf uchun bepul taomlarni bekor qiladi

British Airways aviakompaniyasi 2017 yil 11 yanvaridan Xitrou va Gatvik aeroportlariga yaqin masofali reyslarda ekonom-sinf uchun bepul taomlarni bekor qiladi, deb ma'lum qilindi kompaniya saytida.

Ma'lum qilinishicha, yo‘lovchilarga Marks & Spencer britan kompaniyasi bilan birgalikda yangi taomlar taklif qilinadi. Qiymati 5 funt sterlingni tashkil qiluvchi bu taomlar vegetarian, glyutensiz va parhezbop bo‘ladi.

Yo‘lovchilarga gazaklar, buterbrodlar va 1-5 funt sterlinglik mevalar taqdim qilinadi. Eng arzon alkogol ichimligi 4 funt sterlingga yaqin turadi. Taomlarga pul o‘tkazish yo‘li bilan haq to‘lasa bo‘ladi.      

Ta'kidlanishicha, 2017 yil yozidan bepul yegulik berish Stansted va London-Siti aeroportlaridan uchuvchi reyslarda ham bekor qilinadi.

RIA “Novosti” axborot agentligi ma'lumotlariga ko‘ra, kompaniya bu choralarni yo‘lovchilar qisqa masofali reyslarda beriladigan taomlardan noroziligi sababli qabul qildi.