BRIKS yetakchilari BMTni terrorizm haqidagi konvensiya qabul qilishga chaqirdi
BRIKS mamlakatlari rahbarlari xalqaro hamjamiyatni terrorizm bo‘yicha BMTning keng qamrovli konvensiyasi qabul qilinishini tezlashtirishga chaqirdi. Bu haqda Goadagi sammit yakunlariga ko‘ra qabul qilingan deklaratsiya asosida RIA Novosti axborot agentligi xabar berdi.
«Biz barcha mamlakatlarni BMT Bosh assambleyasi doirasida xalqaro terrorizmga qarshi keng qamrovli konvensiya qabul qilinishi bo‘yicha ishlarni jadallashtirishga chaqiramiz», — deyilgan hujjatda.
Deklaratsiyada shuningdek birlashmaning xalqaro terrorizm, xususan, IShID bo‘yicha umumiy pozitsiyasi ifodalangan. Bu terrorchi tashkilot butun dunyodagi tinchlik va barqarorlikka katta tahdid solib turgani qayd etilgan.
BRIKS (Braziliya, Rossiya, Hindiston, Xitoy, JAR) sammiti 15-16 oktabr kunlari Hindistonning Goa shahrida bo‘lib o‘tdi.
Mavzuga oid
21:08 / 27.09.2024
«Biz ketmaymiz» - Mahmud Abbos BMT minbaridan Isroilning harakatlarini qoraladi
22:50 / 26.09.2024
Bir qancha G‘arb davlatlari «Tolibon»ni ayollarni kamsitgani uchun sudga bermoqchi
20:47 / 26.09.2024
Baxtiyor Saidov BMT Bosh Assambleyasida qator takliflarni ilgari surdi
09:02 / 25.09.2024