Madriddagi muhojirlar norozilik bildirmoqda

Ispaniya poytaxti xorijliklarni vaqtincha saqlash markazidagi o‘nlab noqonuniy muhojirlar norozilik uyushtirishdi. Bu haqda, El Confidencial xabar qilmoqda.

60 nafarga yaqin muhojirlar markaz xavfsizlik xizmati xodimlari talablariga bo‘ysunishdan bo‘yin tovlab, ular bilan ziddiyatga borgan. Bunda, ularning bir qismi binoning tomiga chiqib olgan. Muhojirlarning aksariyati jazoirlik ekani aytilmoqda. 

Muhojirlar o‘zlarining mamlakatdan chiqarib yuborilishiga qarshilik ko‘rsatish maqsadida «isyon» ko‘targan. Ammo, mazkur aksiya avvaldan rejalashtirilgani xabar qilinmoqda. Shuningdek, huquq-tartibot xodimlari orasida jabrlanganlar borligi haqida axborotlar mavjud.