«Roskosmos» Schiaparelli bilan aloqa qachon tiklanishini ma'lum qildi

«Roskosmos» davlat korporatsiyasining ma'lum qilishicha, Schiaparelli moduli bilan aloqani o‘rnatish imkoni yana bir necha kun saqlanib turadi. 

Xabarlarga ko‘ra, fazoviy modulning batareyalari uning ishlash qobiliyatini uch kundan o‘n kungacha saqlab tura oladi. 

Biroq, korporatsiyaning qo‘shimcha qilishicha, bularning bari Schiaparelli moduli Mars yuzasiga «yengil» qo‘nishni amalga oshirgan bo‘lsagina mumkin. 

Avvalroq, Rossiya-Yevropa qo‘shma loyihasi bo‘lgan Schiaparelli moduli TGO modulidan ajrab, Marsga qo‘ngani haqida xabar qilingan edi. Biroq olimlar uning sayyoraga muvaffaqiyatli tushganini aniqlay olishmayapti.