Florida shtatida muddatdan avval prezidentlik saylovlari boshlandi

AQShning Florida shtatida muddatdan avval prezidentlik saylovlari o‘tkazish uchun saylov uchastkalari ochildi, deb ma'lum qildi 24 oktabrda Fox News telekanali. 

Bu shtatdagi ovoz berish natijasi nomzodlardan birining g‘alabasi uchun hal qiluvchi rol o‘ynashi mumkin, deb ta'kidlab o‘tdi telekanal. Floridadagi muddatdan avval ovoz berishda har saylovda borgan sari ko‘proq saylovchilar ishtirok etmoqda.

Oxirgi jamoatchilik fikrini o‘rganish so‘rovnomalari bu shtatda ikki asosiy nomzodlar – Xillari Klinton va Donald Tramp o‘rtasidagi farq ozligini ko‘rsatgan.

AQShda Floridadan tashqari yana 32 ta shtatda hamda Kolumbiya okrugida muddatdan avval saylov o‘tkazishga ruxsat berilgan. Shuningdek, bir qator shtatlarda, jumladan Floridada pochta orqali ovoz berish yo‘lga qo‘yilgan. Pochta orqali ovoz berish esa bir necha hafta oldin boshlangandi. 

Ma'lum qilinishicha, AQShda muddatdan avval saylov o‘tkazish katta ahamiyatga ega, chunki prognozlarga ko‘ra, joriy saylovlarda saylov kunigacha 40 foiz saylovchilar ovoz berishga ulgurib bo‘lishadi.