Putin Ulyukayev bilan bog‘liq amaliyot bo‘yicha barcha ma'lumotlarga ega bo‘lgan
Rossiya prezidenti Vladimir Putin 2 million dollar pora bilan hibsga olingan mamlakat iqtisodiy taraqqiyot vaziri Aleksey Ulyukayevni operativ kuzatish jarayonidan boxabar bo‘lgan. Bu haqda, Rossiya rahbari matbuot kotibi Dmitriy Peskov ma'lum qildi, deya xabar bermoqda TASS agentligi.
«Albatta, prezidentga Ulyukayev qo‘lga olingani haqida axborot berildi. Aslida, u operativ kuzatuv boshlanganidan bu haqda xabardor bo‘lgan», — deya ta'kidlagan Peskov.
Avvalroq, Rossiya Federal xavfsizlik xizmati Aleksey Ulyukayevni bir yildan ortiq muddat mobaynida operativ kuzatgani xabar qilingan edi.
Kreml ma'muriyati matbuot kotibining so‘zlariga ko‘ra, vazirga nisbatan o‘ta jiddiy ayblov haqida gap ketmoqda.
So‘nggi ma'lumotlarga ko‘ra, Rossiya tergov qo‘mitasi vakili Svetlana Petrenkoning ma'lum qilishicha, Rossiya iqtisodiy taraqqiyot vaziri Aleksey Ulyukayevga nisbatan rasman ayblov e'lon qilingan.
«Ulyukayevga ta'magirlik bilan o‘ta katta miqdorda pora olganlik aybi ilgari surildi», - degan Svetlana Petrenko.
Mavzuga oid
20:26 / 27.09.2024
Ukraina sudi Alisher Usmonovning qariyb 50 million dollar aktivlarini musodara qildi
18:06 / 27.09.2024
Toshkentdagi maktabda boshlanib vazirlar darajasiga chiqqan mojaro – nimalar bo‘ldi?
12:00 / 27.09.2024
Reuters: Rossiya Xitoyda yashirincha yangi UUA modelini yaratdi
11:20 / 27.09.2024