JPMorgan korrupsiya qonunchiligi tufayli millionlab dollar jarima to‘laydi

PMorgan Chase & Co banki AQSh tomonidan ilgari surilayotgan da'volarni hal qilish uchun 264 mln dollar jarima to‘lash niyatida. Bank Xitoy davlat mulozimlarining farzandlarini ishga yollaganlikda gumon qilinmoqda. Shu bilan JPMorgan Xitoy moliya-bank bozoriga kirish imkonini qo‘lga kiritgan, deb xabar qilmoqda Associated Press agentligi.

Bank 130,5 mln dollarni AQSh qimmatbaho qog‘ozlar va birjalar komissiyasiga, 72 mln dollarni adliya vazirligiga va 61,9 mln dollarni Federal zaxira tizimiga to‘lashni rejalashtirayapti. 

Ta'kidlanishicha, JPMorgan Xitoydagi foydali bitimlarda ishtirok etish imkoniyatiga ega bo‘lish maqsadida xitoylik davlat mulozimlarining qarindoshlari v farzandlarini ishga yollagan. Bunda, yangi xodimlarning yetarli malakasi bo‘lmagani bank rahbariyatini tashvishlantirmagan. 

Avvalroq, jarima miqdori 200 mln dollarni tashkil etishi mumkinligi xabar qilingan edi.