Kolumbiyadagi samolyot halokati hududida olingan suratlar tarqaldi

Kolumbiyada qulab tushgan, bortida 81 kishi bo‘lgan samolyotga oid fotosuratlar e'lon qilindi.

Suratlar 360 Radio Colombia radiostansiyasi tomonidan taqdim etilgan.

Bundan oldingi xabarlarda mahalliy shifoxonaga halokatdan omon qolgan 6 kishi keltirilgani aytilgandi.

29 noyabrga o‘tar kechasi Boliviyadan Kolumbiyaga uchib kelayotgan va bortida 81 nafar yo‘lovchi bo‘lgan samolyot quladi. Yo‘lovchilar orasida Braziliyaning «Shapekoense» klubi futbolchilari bo‘lgan.

«Shapekoense» futbolchilari 1 dekabr kuni Kopa Sudamerikano musobaqasi doirasida «Atletiko Nasonal» klubiga qarshi maydonga tushishi kerak bo‘lgan.