Avstriyadagi prezidentlik saylovlarida g‘olib nomi ma'lum bo‘ldi

Foto: Reuters

Avstriyadagi prezidentlik saylovlarida mustaqil nomzod Aleksandr van der Bellen g‘olib bo‘ldi. Dastlabki ma'lumotlarga ko‘ra, "yashillar" partiyasining sobiq yetakchisi Van der Bellen saylovchilarning 60,4 foiz ovozini to‘plagan. Uning Ozodlik partiyasidan raqibi Norbert Xofer 39,6 foiz ovoz olgan.

Van der Bellen g‘alabasi munosabati bilan Avstriya kansleri Kristian Kern uni tabrikladi. Kern bu kunda hech kim mag‘lub bo‘lmasligi kerakligini aytib, barcha nomzodlarni tabrikladi. "Biz barchamiz Avstriyaning bir qismi hisoblanamiz", deb aytgan Kern.

Saylovda mag‘lub bo‘lgan Xofer ham Van der Bellenni g‘alaba bilan tabriklagan.