Financial Times: Si Tszinpin Butunjahon iqtisodiy forumida ishtirok etadi

XXR raisi Si Tszinpin 17-20 dekabr kunlari Shveytsariyaning Davos shahrida bo‘lib o‘tajak Butunjahon iqtisodiy forumida ishtirok etishni rejalashtirayapti. Bu haqda o‘z manbalariga asoslangan holda Financial Times nashri yozmoqda. 

Gazeta ma'lumotlariga ko‘ra, hozirda Shveytsariyada Si Tszinpinning tashrifiga tayyorgarlik ishlari boshlab yuborilgan. Uning iqtisodiy forumda ishtirok etishi Xitoyning jahon maydonida yetakchiligiga dalolat qiladi. Ushbu forumda dunyo davlat arboblari, iqtisodiy soha vakillari qatnashadi, deb yozadi nashr. 

AQSh prezidentligi uchun saylovda kutilmaganda Donald Trampning g‘alaba qozonishi, Buyuk Britaniyaning YeI tarkibidan chiqishi munosabati bilan Pekin ma'muriyati erkin hamkorlik takliflarini ilgari surdi. 

Biroq, XXR tashqi ishlar vaziri Van I Si Tszinpinning Davos iqtisodiy forumida ishtirok etishiga oid xabarlarni izohlamagan.