«Arsenal» safarda «Everton»ga yutqazib, «Chelsi»ni quvib o‘tish imkonidan foydalana olmadi

Angliya chempionatining 16-turi doirasida Liverpuldagi «Gudison Park» stadionida «Everton» «Arsenal»ni qabul qildi. Uchrashuv mezbonlarning 2:1 hisobidagi irodali g‘alabasi bilan yakunlandi.

Avvaliga Aleksis Sanches hisobni ochgan bo‘lsa, birinchi bo‘lim oxirida Sheymus Koulmen hisobni tenglashtirdi. Hammasi durangga qarab ketayotganida, 86-daqiqada mezbonlar himoyachisi Eshli Uilyams gol urdi. O‘yinning qolgan qismida londonliklar vaziyatni o‘zgartira olishmadi.

Endilikda «Arsenal» 34 ochko bilan ikkinchi o‘rinda qoldi va «Chelsi»ni (37 ochko) quvib o‘tish imkonidan foydalana olmadi. «Everton» esa ochkolari sonini 23taga yetkazgan holda yettinchi o‘ringa ko‘tarildi. 

«Lester» esa «Bornmut» maydoniga safar qilib, 0:1 hisobidagi mag‘lubiyat bilan qaytdi.

«Lester» 16 ochkosi bilan turnir jadvalining 14-pog‘onsida joylashgan, «Bornmut» sakkizinchi o‘ringa ko‘tarilgan (21 ochko).

Angliya chempionati, 16- tur

Everton – Arsenal 2:1 (1:1, 1:0)
Gollar: 0:1 – 20 Sanches, 1:1 – 44 Koulmen, 2:1 – 86 Uilyams.
Everton – Stekelenburg, Koulmen, Jagelka, Uilyams, Beyns, Makkarti (Funes Mori, 90), Guyye, Barkli, Valensiya (Kelvert-Lyuin, 79), Lukaku, Lennon (Miralyas, 68).
Arsenal – Chex, Belerin, Gabriel, Koselni, Monreal, Koklen (Peres, 88), Jaka, Uolkott (Jiru, 71), Ozil, Oksleyd-Chemberlen (Ivobi, 71), Sanches.
Ogohlantirishlar: Jagelka (18), Makkarti (42), Koselni (84).
Chetlatish: Jagelka (90).

Bornmut – Lester 1:0 (1:0, 0:0)
Gol: 1:0 – 34 Pyu.
Bornmut – Boruts, Frensis, Kuk, Ake, Deniels, Arter, Uilsher, Smit, King (Gosling, 79), Pyu, Afobe (Uilson, 68; Mingz, 90).
Lester – Tsiler, Ernandes, Morgan, Xut (Uloa, 82), Fuks, Marez, King, Amarti, Olbrayton (Musa, 74), Slimani (Okadzaki, 46), Vardi.
Ogohlantirishlar:King (36), Morgan (83), Ernandes (87).