Yevro-2016 musobaqalarini rekord darajadagi tomoshabin kuzatib borgan

2016 yilda Fransiyada bo‘lib o‘tgan Yevropa chempionati  musobaqasini deyarli 5 milliard nafar tomoshabin kuzatib borgan, deyiladi UYeFA tomonidan berilgan hisobotda.

Jami 51ta o‘yinni TV orqali 2 milliard tomoshabin to‘g‘ridan-to‘g‘ri kuzatib borgan.

Yevro-2016 finali doirasidagi Portugaliya va Fransiya terma jamoalari uchrashuvini (1:0) 600 million odam tomosha qilgan.

Musobaqada ishtirok etadigan jamoalar sonining oshishi natijasida qo‘shimcha 20 uchrashuv o‘tkazilgan va bu turnir auditoriyasining yana 1,1 milliardga ko‘payishiga sabab bo‘lgan.

Uchrashuvlar translyatsiya huquqi UYeFA tomonidan 130ta telekanalga sotilgan va bundan tashkilot 1,05 milliard yevro miqdorida mablag‘ ishlab topgan.