Iroq armiyasi IShID yetakchisi qayerda yashirinayotganini bilishini ma'lum qildi

Iroq maxsus kuchlari qo‘mondoni Fozil Barvariy IShID yetakchisi Abu Bakr al-Bag‘dodiy Mo‘sul yaqinidagi yer osti bunkerida yashirinayotganini aytdi. Bu haqda Niqash xabar bermoqda. 

"Biz u qayerdaligini bilamiz, bu Al-Biaj aholi punktidir, u yer ostida yashirinmoqda", deb aytgan Barvariy.

Barvariy al-Bag‘dodiy tez-tez o‘z joyini o‘zgartirishga harakat qilishi hamda plastik operatsiyalar yoki soqolini olish hisobiga o‘z tashqi ko‘rinishini o‘zgartirayotganini ta'kidlab o‘tdi.  

Uning aytishicha, iroqlik harbiylar IShID yetakchisini juda yaxshi biladilar, chunki u "halifa" bo‘lishidan 10 yil avval qo‘lga olingan.