Kolumbiyada Boeing 727 falokatga uchradi

Kolumbiyada Puerto-Karreno shahri aeroportida uchish vaqtida Boeing 727 yuk samolyoti falokatga uchradi, deb xabar bermoqda El Tiempo nashri.

Ta'kidlanishicha, samolyot  Aerosucre aviakompaniyasiga tegishli bo‘lgan va Bogotaga yo‘l olayotgan bo‘lgan. 

Laynyor bortida ekipajning 6 a'zosi bo‘lgan, ulardan 3 nafari halok bo‘lgan. Ikki kishi jarohat olgan, yana bir kishi hali topilmagan.

Ayni vaqtda falokat sabablari noma'lum. Nashr ma'lumotlariga ko‘ra, voqea joyida yong‘in chiqqan, u yerga qutqaruvchilar jo‘natilgan.