Belaruslik kaskadyor Van Dammning mashhur tryukini qaytardi

Belaruslik kaskadyor Denis Bloxin ikkita harakatlanayotgan BelAZ yuk mashinalari o‘rtasida oyoqlarini oxirigacha ochgancha shpagat usulida turdi.

Belarus shu tariqa aktyor Jan-Klod Van Dammning mashhur tryukini qaytara oldi. Aktyor bir necha yil avval Volvo avtomobilsozlik kompaniyasi reklamasida bu markaning ikkita harakatlanayotgan yuk mashinasi o‘rtasida shpagatga o‘tirgandi. Biroq Bloxin shu tryukni karerda ishlovchi 160 va 180 tonnalik samosvallar bilan qaytardi.