Suriyada IShIDning "bosh buxgalteri" yo‘q qilindi

AQSh boshchiligidagi koalitsiya Suriyada IShID yetakchilaridan biri, tashviqot, razvedka va moliya uchun javob beruvchi Mahmud Al-Isaviy yo‘q qilinganini ma'lum qildi. Bu haqda Pentagon ma'lum qilgan.   

Ma'lum qilinishicha, terrorchi Raqqada 31 dekabrda aviazarba natijasida yo‘q qilingan.

Pentagon ma'lumotlariga ko‘ra, jangari IShID yetakchilari o‘rtasida pullarning taqsimlanishi va tashviqot ishlariga javob bergan.

Xabarda aytilishicha, Al-Isaviy koalitsiya tomonidan yo‘q qilingan IShIDning 16-sondagi yuqori martabali a'zosidir.