TIAISVda Afg‘oniston delegatsiyasi bilan muzokara o‘tkazildi

9 yanvar kuni Tashqi iqtisodiy aloqalar, investitsiyalar va savdo vazirligida Tashqi ishlar vaziri o‘rinbosari Hikmet Karzay boshchiligidagi Afg‘oniston Islom Respublikasi delegatsiyasi bilan uchrashuv bo‘lib o‘tdi. Bu haqda vazirlik matbuot xizmati xabar bergan.

Uchrashuv chog‘ida ikki yoqlama savdo-iqtisodiy hamkorlik istiqbollari va joriy holati, transport, tranzit, energetika shuningdek, o‘zbekistonlik mutaxassislarning Afg‘oniston infratuzilmasini rivojlantirish va iqtisodiyotini tiklashdagi ishtiroki masalalari muhokama qilindi.

Tomonlar 2016 yil 26 dekabrda Toshkent shahrida bo‘lib o‘tgan savdo, transport va energetika bo‘yicha komissiyasining ikkinchi yig‘ilishini yuqori baholadilar.