Shavkat Mirziyoyev Turkiya prezidentiga hamdardlik bildirdi

O‘zbekiston Respublikasi Prezidenti Shavkat Mirziyoyev Qirg‘iziston Respublikasi Prezidenti Almazbek Atambayevga 2017 yil 16 yanvarida Qirg‘izistonda «Boeing-747» yuk samolyotining halokatga uchrashi oqibatida ko‘plab insonlarning, jumladan bolalarning qurbon bo‘lganligi munosabati bilan samimiy hamdarlik bildirdi.

Turkiya aviakompaniyasi samolyotining halokatga uchragani sababli Turkiya Respublikasi Prezidenti Rajab Toyyib Erdo‘g‘anga ham ta'ziya izhor etilgan.

Davlat rahbari o‘z maktublarida halok bo‘lganlarning oila a'zolari va yaqinlariga hamda jarohatlanganlarga chuqur hamdardlik va dalda so‘zlarini yetkazib qo‘yishni so‘ragan.