Kvebekdagi masjidga hujum qilgan shaxs ismi ma'lum bo‘ldi

Kanadaning Kvebek shahridagi masjidga hujum qilishda 27 yoshli Aleksandr Bisonet yagona gumonlanuvchi bo‘lib qolmoqda. Bu haqda TVA telekanali ma'lum qildi. 

Ma'lum qilinishicha, gumonlanuvchi avtomobilda voqea joyidan yashiringan. Birozdan so‘ng o‘zi politsiyaga qo‘ng‘iroq qilgan va hibsga olingan. 

Avvalroq voqea yuzasidan 20-30 yoshlar orasidagi ikki nafar gumonlanuvchi Aleksandr Bissonnett va Muhammad Xadir qo‘lga olingani xabar qilingan edi. Keyinroq politsiya Muhammad Xadir guvoh sifatida hisoblanayotganini ma'lum qildi.