Nepalda ikkita echki bitta xumchada tiqilib qoldi (video)

Nepalning Lalitpur shahrida yashovchi fuqaro bitta xumchada boshi tiqilib qolgan ikkita echkiga yordam berdi. Bu haqda Daily Mail xabar qildi.

Nashr tomonidan taqdim etilgan videoda erkak boshlarida katta sariq xumcha bo‘lgan jonivorlarni ko‘rib qolganida o‘zini kulgudan to‘xtata olmagan. 

U xumchani olishga harakat qildi, biroq bir-biriga ulanib qolgan shoxlar sabab bu ancha murakkab bo‘ldi. Ozod etilgan echkilar hodisa joyidan darhol qochib ketishdi.