Parijda yilning eng chiroyli kontsept-kari tanlandi

Parijdagi 32-Xalqaro avtomobil festivalida 2016 yilning eng chiroyli kontsept-kari tanlandi. Bunday sharafga shu kabi anjumanlarda Jaguar I-Pace, Aston Martin RB001 va DS E-Tense kabi prototiplar bilan bir qatorga qo‘yiladigan Renault Trezor munosib topildi. 

Trezor prototipi o‘tgan yilning kuz oyida bo‘lib o‘tgan Parij avtosalonida namoyish qilingan edi. Uning o‘ziga xos jihatlaridan biri avtomobil ichiga kirishning noodatiy ekanligidir. Buning uchun, karbonli tomni ko‘tarish lozim bo‘ladi. Bu esa, kuzovning deyarli ust qismidir. 

Avtomobilga Formula Ye chempionatlarida ishtirok etuvchi Renault e Dams jamoasi  bolidlarining 350 ot kuchiga ega elektrodvigateli o‘rnatiladi. Mashina 4 soniyada «yuz»ga chiqa oladi. 

Bundan tashqari, kontsept uchun muqobil boshqaruv tizimi ishlab chiqilgan. Rul chambaragi poyga mashinalari rullarining shakliga ega. Gorilla Glass shisha qoplamali  OLED-ekranlar hamda kinetik energiyani rekuperatsiya (elektr tokiga aylantiruvchi) qiluvchi tizim ham yoddan ko‘tarilmagan.