Prezidentni uyida mehmon qilgan bobo Captiva’li bo‘ldi

O‘zbekiston prezidenti Shavkat Mirziyoyev Surxondaryo viloyatiga safari davomida Angor tumanidagi Zang gilambob qishlog‘ida Shodi bobo Xushboqov xonadonida bo‘lgan edi. Shavkat Mirziyoyev Shodi bobo va u kishining umr yo‘ldoshi Salomat momo bilan oilaning kundalik hayoti, farzandlar va nabiralarning tarbiyasi to‘g‘risida suhbatlashgan edi.

Facebook ijtimoiy tarmog‘idagi “Voditeli Tashkenta” guruhida Shodi bobo Xushboqov davlat rahbari tomonidan  Captiva rusumli avtomobil bilan taqdirlangani aks etgan suratlar paydo bo‘ldi.

Ma'lumotlarga ko‘ra, ushbu suratlar Shodi bobo Xushboqovning o‘g‘li tomonidan e'lon qilingan.