OAV: Makkeyn Erdo‘g‘an bilan uchrashuvdan avval Suriyaga bordi

AQSh senatori Jon Makkeyn Suriya shimolidagi Kobani shahriga maxfiy ravishda safar qildi. The Wall Street Journal gazetasining Amerika mulozimlariga tayangan holda yozishicha, u bu safarida IShIDga qarshi harbiy amaliyotlarni muhokama qilgan. 

Qayd etilishicha, Makkeyn tashrifi chog‘ida Amerika harbiylari va kurdlar bilan Raqqa shahrini IShID jangarilaridan ozod qilish bo‘yicha muzokaralar olib borgan. 

Amerika senati qurolli kuchlar qo‘mitasi rahbari Suriyadan so‘ng, Anqaraga yo‘l olgan. U bu yerda Turkiya prezidenti Rajab Toyyib Erdo‘g‘an bilan uchrashadi.