Papua-Yangi Gvineyada 6,5 magnitudali zilzila yuz berdi

6 mart kuni Papua-Yangi Gvineya sohillari yaqinida 6,5 magnitudali zilzila yuz berdi, deb xabar bermoqda  AQSh geologik xizmati (USGS).

Zilzila UTC (Butunjahon muvofiqlashtirilgan vaqti) bo‘yicha soat 22.47da (Toshkent vaqti bilan 03.47) Kandrian shahridan shimolga tomon 27 km uzoqlikda qayd qilingan. Zilzila o‘chog‘i 55 km chuqurlikda bo‘lgan.

Jabrlanganlar haqida ma'lumot berilmagan.

Papua-Yangi Gvineya "Tinch okeani olovli halqasi" deb ataluvchi, yuqori seysmik faollikka ega kuchli tektonik yoriqning bir qismi hisoblanadi. Bu halqaga sayyoramizda yuz beradigan 90 foiz zilzila to‘g‘ri keladi.