BAA aeroportiga yo‘l olgan juftlik o‘z farzandini taksida unutib qoldirdi

BAAdagi sayohatini tugallab qaytayotgan juftlik aeroportga kelayotib, taksida uxlab yotgan farzandini unutib qoldirdi.Bu haqida Khaleej Times nashrida xabar berildi. 

Manbaga ko‘ra, juftlik aeroportgacha taksi tutgan, er bolani ayolida, ayoli esa erida deb o‘ylagan. 

Ular bola yo‘qligini tushunib yetishlari bilanoq aeroport politsiyasi bilan bog‘lanishgan. Aeroport esa, o‘z o‘rnida, RTA bilan bog‘langan. 

RTA taksi haydovchisining mahalliy kafeteriylardan birida tamaddi qilayotganini aniqlagan. 

Haydovchi darrov mashinasi tomon yugurgan va bolani eson-omon holatda ko‘rgan - u orqa o‘rindiqda uxlab yotardi. Taksi haydovchisi bolani ota-onasiga qaytargan.