Pokiston bosh vaziri ijtimoiy tarmoqlarni "kufrona" kontentdan tozalashni buyurdi

Pokiston bosh vaziri Navoz Sharif 14 mart, seshanba kuni ijtimoiy tarmoqlarni "kufrona" kontentdan tozalashni buyurdi. Bu haqida Pokiston musulmonlar ligasi (PML) partiyasining Twitter'dagi rasmiy sahifasida xabar berildi. 

"Huquqni himoyachilari kufrona materiallarni tarqatayotgan kishilarni izlab, ularni qonuniy javobgarlikka tortishlari kerak. Ijtimoiy mediadagi kufrona kontent - butun musulmon ummatining diniy qarashlarini haqorat qilish maqsadidagi razil fitna", - dedi bosh vazir. 

Sharif ijtimoiy tarmoqlarni kufrona kontentdan tozalash masalasi adliya organlari tomonidan ishlab chiqilayotganini ta'kidladi. Shuningdek u Pokistonning vakolatli organlari bu masalani xorij tarmoqlarida ham ko‘tarishlarini buyurdi. 

Pokiston qonunlariga ko‘ra, kufr uchun hatto o‘lim jazosi begilanishi mumkin. Mamlakat qonunchiligining bu masaladagi tajribasi xalqaro huquni muhofaza qilish tashkilotlari tomonidan muntazam ravishda tanqid ostiga olinadi.