Rossiyaning Udmurtiya respublikasi rahbari qo‘lga olindi

Rossiyaning Udmurtiya respublikasi rahbari Aleksandr Solovev qo‘lga olindi. U 140 million rubl miqdorida pora olganlikda gumonlanmoqda. Bu haqda RF Tergov qo‘mitasi rasmiy vakili Svetlana Petrenko ma'lum qildi.

Uning so‘zlariga ko‘ra, amaldorga nisbatan o‘ta yirik hajmda pora olish moddasi bo‘yicha jinoyat ishi qo‘zg‘atilgan. 

Tergovga ko‘ra, Solovev 2014-2016 yillarda Kama va Buy daryolari ustida ko‘prik qurish bilan shug‘ullangan kompaniyadan 139 million rubl olgan. Bundan tashqari, unga tijorat tashkilotining 2,7 million rubllik ulushi ham tekkan.

Tergovchilarning fikricha, mintaqa rahbari buning uchun ishlarga navbatdan tashqari to‘lovni federal va mintaqaviy byudjyet hisobidan amalga oshirishi lozim bo‘lgan.