Lukashenko MDH doirasida hal etilmagan mojarolar haqida to‘xtaldi

Belarus prezidenti Aleksandr Lukashenko Mustaqil davlatlar hamdo‘stligi davlatlari sobiq ittifoq hududida paydo bo‘lgan mojarolarni hal etishda faol pozitsiyani egallashi kerakligi haqida ma'lum qildi.

"Agarda MDH doirasida Tog‘li Qorabog‘ muammosi, Ukrainadagi Donbass muammosi, Pridnestrove muammosi hal qilinganda edi... Biroq biz buni amalga oshirayotganimiz yo‘q-ku. Ba'zida buni amalga oshirish mumkin emasligi uchun emas, balki turli manfaatlar tufayli qilmayapmiz. Muammoni esa hal qilish kerak", - deya ma'lum qildi Lukashenko “Mir” telekanaliga bergan intervyusida

Belarus prezidentining fikricha, ushbu mojarolarni hal etishda odamlar manfaatidan kelib chiqib ish yuritish kerak. “Tog‘li Qorabog‘da odamlar doimiy ravishda ma'lum harbiy muammolarga duch kelayotgani tufayli yaxshi yashamoqdami? Ular shunchaki yashashmoqda va ertaga nimadir ro‘y berishini kutishmoqda. Bu to‘g‘rimi? Bu noto‘g‘ri! Kimga bu kerak? Hech kimga!”, - deya ta'kidlab o‘tdi u.

"MDH yuzasida turgan bu masalalarni kelajakka qarashdan oldin hal qilish kerak. Biz bu masalalarni hal etib, harakat qilishimiz lozim bo‘lgan yangi strategik yo‘nalishlarni ko‘ra olamiz", - deya qo‘shimcha qilib o‘tdi Lukashenko.