Afg‘oniston Mudofaa vazirligi binosi yonida portlash ro‘y berdi

Afg‘oniston poytaxtida kuchli portlash sodir bo‘ldi, buni mamlakat mudofaa vazirligi vakili ham tasdiqladi, deb xabar bermoqda Tolo News telekanali.

Portlash chorshanba kuni mamlakat mudofaa vazirligi binosi yonida ro‘y bergan. Mudofaa vazirligi vakili qancha kishi jarohat olganiga oydinlik kiritmadi.

Shu bilan birga, Afg‘oniston ichki ishlar vazirligi vakili portlash xudkush tomonidan amalga oshirilgani, u hukumatda ishlovchi shaxslarni olib yurishga mo‘ljallangan avtomobilga qarshi qaratilganini ma'lum qilgan.

Ushbu terakt uchun javobgarlikni IShID o‘z zimmasiga oldi.