Yevroittifoq narkobaronlarining yillik daromadi qancha?

BMT hisob-kitoblariga ko‘ra, Yevroittifoq narkobaronlari daromadi yiliga 24-28 milliard dollarni tashkil qiladi. Bu haqida BMTning giyohvand moddalar va jinoyatlar boshqarmasi ijrochi direktori Yuriy Fedotovning konferensiyada bergan ma'lumotiga asoslanib, RIA "Novosti" xabar berdi. 

"Birgina Yevroittifoqdagi narkobaronlarning yillik  daromadi taxminan 24-28 milliard dollarni tashkil qiladi", - dedi Fedotov. 

Uning so‘zlariga ko‘ra, o‘tgan yilning oxirida giyohvand moddalarning deyarli 700 yangi turi aniqlangan. BMT ma'lumotlariga ko‘ra, dunyo miqyosida giyohvand moddalarni iste'mol qiluvchilar soni taxminan 30 millionni tashkil qiladi. Giyohvand moddalar iste'moli natijasida yiliga o‘rtacha 200 ming kishi halok bo‘ladi.