Shu kunlarda «Bunyodkor»da rahbariyat almashadi

Joriy haftada Toshkentning «Bunyodkor» klubida yangi rahbar xodimlarga tanishtiriladi. Bu haqda Championat.asia sayti xabar tarqatdi.

Manbaga ko‘ra, 10 yil davomida jamoaga rahbar lavozimlarida ishlagan Baxtiyor Boboyevning klubdagi faoliyati tugagan. Endi mutaxassisning o‘rnini boshqa bir xodim egallaydi. Hozircha bu nomga asosiy davogar sifatida Murod Aliyevning nomzodi ilgari surilmoqda.

Eslatib o‘tamiz, oldinroq Murod Aliyev jamoaga kelishi mumkinligi, agar u jamoa boshqaruvini qo‘lga olsa, Mirjalol Qosimov ham klubga qaytishi mumkinligi haqida xabarlar tarqalgandi.