Ispaniyada katta parom pristanga kelib urildi

Ispaniyada Gran-Kanariya — Tenerife yo‘nalishi bilan harakatlanayotgan parom pristanga kelib urildi. Bu haqda La Vanguardia ispan nashri xabar bermoqda. 

Voqea kema Las-Palmas portidan chiqaverishda manyovr bajarayotganda yuz bergan.

Ma'lum qilinishicha, kemada elektr energiya o‘chib qolgan, shu sababli dvigatellar ishlamay qolgan va parom to‘xtay olmagan. Oqibatda parom to‘lqin bilan pristan tomon olib ketilgan. 

Paromda 140 kishi bo‘lgan, ulardan ba'zilariga jarohat yetgan. Paromning o‘ziga esa arzimas shikast yetgan.