MRB direktori kutilmaganda Janubiy Koreyaga keldi

AQSh Markaziy razvedka boshqarmasi (MRB) direktori Maykl Pompeo Koreya respublikasiga norasmiy tashrif bilan keldi. Bu haqda Yonhap agentligi hukumatdagi manbalariga tayangan holda xabar qilmoqda.

Ma'lumotlarga ko‘ra, Pompeo 2 maygacha Seulda bo‘ladi. MRB direktorining safaridan ko‘zlangan maqsad, ikki davlatning KXDR harakatlariga nisbatan yondashuvlarini muvofiqlashtirishdir. Agentlikning xabar qilishicha, u allaqachon janubiy koreyalik mulozimlar va Koreya milliy razvedka agentligi rahbari bilan qator uchrashuvlar o‘tkazgan. Pompeo 9 may kuni bo‘lib o‘tadigan navbatdan tashqari prezidentlik saylovidagi yetakchi nomzodlar bilan uchrashuv o‘tkazganiga oydinlik kiritilmagan.