Britaniyada driftlarga mo‘ljallangan 38 yillik Rolls-Royce sotilmoqda

Foto: motor.ru

Londonning Prindiville PLC kompaniyasi 1979 yilda ishlab chiqarilgan Rolls-Royce Silver Shadow II sedanini sotuvga qo‘ydi. Bu mashina driftlar amalga oshirish uchun qayta jihozlangan. Avtomobilning narxi 99 995 funt sterlingni (130 ming dollar) tashkil qiladi.

Avtomobil National Geographic kanalida efirga chiquvchi Supercar Megabuild teleshousi doirasida yaratilgan. Ushbu mashina 6,7 litrli V8 motor, pnevmatik podveska, gidravlik qo‘l tormozi, payvandlangan orqa differensial va qizil charm bilan qoplangan intererga ega. Mashinani tayyorlash uchun 3 hafta ketgan.