OAV: «Arsenal» egasi Alisher Usmonovga klubni sotishdan bosh tortdi

Amerikalik tadbirkor Sten Kronke Alisher Usmonovning «Arsenal» futbol jamoasi aksiyalarining nazorat to‘plamini sotib olish haqidagi taklifiga rad javobini berdi.

Mirror nashri ma'lumotiga ko‘ra, Kronke klubning o‘ziga tegishli bo‘lgan 67,05 foizi aksiyalarini sotib yuborish niyatida emas.

Shuningdek ta'kidlanishicha, kelishuv hattoki taklif qiymati oshirilsa ham amalga oshmasligi ehtimolga yaqin.

Avvalroq Alisher Usmonov klub ustidan nazoratni qo‘lga kiritish uchun Sten Kronkega unga tegishli aksiyalarni sotib olish uchun 1,3 mlrd yevro taklif qilgani haqida xabarlar tarqalgandi.