Afg‘onistonda ilk ayollar telekanali ishga tushdi
Afg‘onistonda ilk ayollar televizion kanali «Zan-TV» ishga tushdi. Bu haqda «Afganistan.ru» xabar tarqatdi.
«OAVdagi ilk chiqishlarimdan keyin ko‘plab tahdidlar qilingandi. Hatto oila a'zolarim ham qiz bola televideniyeda ishlashi xatoligini aytishadi. Lekin men barchasini inkor etib, o‘z maqsadim yo‘lida davom etmoqdaman», degan telekanalning ochilish marosimi vaqtida 22 yoshli Shamila Rasuliy
Kanal asoschisi Hamid Samarning ma'lum qilishicha, kanalning tashkil etilishi ko‘plab afg‘on ayollari tashabbusi bilan bo‘ldi.
NTV xabariga ko‘ra, «Ayollar kanali»da 54 xodim bor, ularning aksari talabalardir. Jamoada 16 erkak bo‘lib, bu xodimlarning umumiy sonining uchdan bir qismini tashkil etadi. Ular asosan s'yomka va montaj jarayonida ishlaydi. Qolgan ishlar ayollar zimmasida bo‘ladi. Telekanal 18 soat ishlaydi, soat 6:00dan yarim tungacha.
Ayni vaqtda Afg‘onistonda 40ga yaqin telekanal mavjud. Konservativ qarashlar tufayli ayollar bu telekanallarda chiqish qilisha olmaydi.
Mavzuga oid
19:13 / 23.10.2024
Afg‘oniston Amudaryo havzasida neft qazib olishni ko‘paytirishga qaror qildi
10:10 / 23.10.2024
O‘zbekiston va Afg‘oniston Mozori Sharifda Imom al-Buxoriy nomidagi madrasani qurish masalasini muhokama qildi
22:40 / 21.10.2024
Afg‘oniston o‘zbekistonlik haydovchilardan undiriladigan yig‘imlar miqdorini kamaytirdi
19:24 / 21.10.2024