Hindiston koinotga ulkan raketa uchirdi
Hindistonda ishlab chiqarilgan eng katta raketa Bengal ko‘rfazidagi Shrixarikota orolidagi kosmodromdan sun'iy yo‘ldosh bilan koinotga uchirildi. Agar sinovlar muvaffaqiyatli o‘tsa, unda bu raketa-tashuvchi orbitaga boshqariluvchi kemalarni olib chiqish uchun qo‘llanishi mumkin.
Raketa Satish Dxavan nomidagi Koinot markazidagi parvoz maydonchasidan uchirildi. Geosynchronous Satellite Launch Vehicle-Mark III (GSLV-Mk III) deb nomlangan bu raketani yaratish ustida 15 yil ishlandi. Raketa og‘irligi 640 tonna kelib, balandligi 43 metrni tashkil qiladi.
GSLV-Mk III orbitaga yetkazishi kerak bo‘lgan GSAT-19 sun'iy yo‘ldoshi 3 tonnadan og‘irroq bo‘lib, bu Hindiston koinot sohasi uchun rekord ko‘rsatkich hisoblanadi. Bunday og‘irlikdagi sun'iy yo‘ldoshlarni fazoga faqatgina AQSh, Rossiya, Yevropa koinot agentligi, Xitoy va Yaponiyagina jo‘nata olgan.
Hisob-kitoblarga ko‘ra, yangi raketa geostatsionar orbitaga 4 tonnagacha, yer atrofidagi pastqam orbitaga esa 10 tonnagacha yuk olib chiqa oladi. Hindistonning koinot tadqiqotlari tashkiloti rahbari Alur Silin Kiran Kumar agar missiya muvaffaqiyatli amalga oshsa, unda raketa-tashuvchi bilan kelajakda koinotga hind fazogirlarini yuborish mumkinligiga umid bildirdi.
Hindistonda yangi raketadan tashqari fazoga 2,5 tonna yuk olib chiqa oladigan Polar Satellite Launch Vehicle va GSLV-Mk II raketalari mavjud.
Mavzuga oid
14:25 / 28.09.2024
O‘zbekiston va Hindiston ikki tomonlama investitsiya shartnomasi imzoladi
23:11 / 27.09.2024
Hindistonda 50 dan ortiq dori-darmonlar sifatida muammo aniqlandi
15:07 / 27.09.2024
Festival fojiaga aylandi: Hindistonda 46 kishi cho‘kib ketdi, ularning aksariyati bolalar
22:19 / 24.09.2024